Naranasan mo na ba na nangangati ang iyong mga mata, sinisipon o nagsimulang bumahing mula sa pollen? Ito ay mga sintomas na parang katulad ng trangkaso, ngunit maaari na ito ay sintomas ng kafunsho.
Ano ang Kafunsho?
Ito ay isang allergy na nangyayari kapag ang katawan ay may labis na reaksyon laban sa pollen na pumasok sa katawan.
Ano ang mga sintomas?
Upang maalis ang pollen, ang katawan ay naglalabas ng mga sintomas tulad ng “pagbahing”, “sipon” at “pagluha”. At ang ibang mararamdaman tulad ng pangangati ng mga mata o baradong ilong ay maaaring lumitaw dahil sa impeksyon.
Kailan ang panahon na maraming air pollen?
Ang pollen ay kumakalat sa anumang araw ng taon. Gayunpaman, ang panahon kung saan lumilitaw ang mga sintomas ay nakasalalay depende sa tao. Tuwing spring, ang pangunahing pollen ay mula sa mga puno tulad ng cedar at cypress (sugi at hinoki). Sa unang bahagi ng summer, ang mga pollen galing sa damo ay karaniwan, habang mula sa kalagitnaan ng summer hanggang autumn, ang mga antas ng pollen ng chrysanthemum, sunflower at iba pa ay tumataas.
Ano ang dapat gawin kapag nakaramdam ng sintomas?
Inirerekomenda na bisitahin ang otolaryngologist (na sa wikang Hapon ay tinatawag na Jibiinkou-ka o Jibi-ka) para sa mga sintomas na nauugnay sa ilong, at sa ophthalmologist (sa wikang Hapon, na tinatawag na Gan-ka) para sa mga sintomas ng mata. Posible ring kumunsulta sa mga general practitioner (Nai-ka), allergy (allergy-ka) o mga pediatrician (shouni-ka) para sa mga bata.
Tungkol sa paggamot
Mayroong iba’t ibang mga pamamaraan ng mga terapiya tulad ng pag-inom ng gamot, pagbawas ng pagiging sensitibo sa allergy, surgical treatment, atbp. Samakatuwid, mahalaga na kumunsulta sa doktor.
Sa tamang paraan ng paggamot at pag-iwas, maaari mabawasan ang iyong mga sintomas. Kung mayroon kang kafunsho, mag-schedule agad ng appointment bago pa magsimula ang panahon ng kafunsho upang mapigilan ito sa lalong madaling panahon.
Pag-iwas: Ano ang dapat baguhin sa pang-araw-araw?
- Upang maiwasan ang pagsinghot at pagpasok ng pollen sa katawan:
- Magsuot ng mask at glasses kapag umaalis sa bahay
- Magsuot ng plain, makinis na tela na damit at sumbrero
- Hugasan ang iyong mga kamay, mag-gargle at tanggalin ang pollen sa iyong mga damit kapag nakauwi na
- Patuloy na linisan ang iyong bahay gamit ang basang tela o mop
- Isampay ang mga nilabhan sa loob ng bahay
- Matulog ng sapat
- Magkaroon ng healthy na rutina
- Kumain ng balanseng pagkain
- Mag-ingat sa labis na pag-inom ng alkohol.
- Kung naninigarilyo, subukang bawasan ang dami ng mga sigarilyo.
Kapag ang antas ng airborne na pollen ay nadaragdagan, maraming mga pasyente ang nakakaranas agad ng mga sintomas, at ang iba ay mas matagal. Iba rin ang lakas ng epekto nito depende sa tao.
Ang mga sintomas ay maaaring mas malakas o mahina ayon sa dami ng pollen sa hangin, kaya maraming mga tao na walang mga sintomas kapag ang pollen ay mababa.
Mahalagang maging maingat upang walang mga sintomas ng kafunsho. Bigyang-pansin ang mga bagong impormasyon at iwasan ang paglabas ng bahay sa mga oras na maraming pollen. Gamitin ang impormasyon sa video na ito upang maprotektahan ang iyong sarili mula sa kafunsho!
Reference:
http://www.pref.mie.lg.jp/KENKOT/HP/84849050608.htm
https://www.mhlw.go.jp/new-info/kobetu/kenkou/ryumachi/kafun/ippan-qa.html
https://www.mhlw.go.jp/file/06-Seisakujouhou-10900000-Kenkoukyoku/0000077514.pdf
