Latest News

Tungo sa isang Mie Prefecture kung saan ang lahat ng mga bata ay maaaring mamuhay nang mapayapa ~Available na ngayon ang mga pamphlet na nasa iba’t-ibang wika para sa “Mie Prefecture Children’s Ordinance”~

すべての子どもが安心して暮らせる三重県へ ～「三重県子ども条例」の外国語版パンフレットができました～

2025/12/15 Monday Anunsyo, Kaligtasan

Alinsunod sa mga prinsipyo ng Convention on the Rights of the Child, binago ng Mie Prefecture ang “Mie Prefecture Children’s Ordinance” noong Marso 2025, na naglalayong maisakatuparan ang isang lipunan kung saan ginagarantiyahan ang mga karapatan ng mga bata at maaaring mabuhay ang mga bata nang may mga pangarap at pag-asa para sa hinaharap.

Upang mapataas ang kamalayan tungkol sa mahalagang ordinansang ito, naghanda kami ng mga polyeto sa iba’t ibang wika. Pakibasa ang mga ito kasama ang iyong pamilya at mga miyembro ng lokal na komunidad.

▼ “Available na ngayon ang Mie Prefecture Children’s Ordinance Awareness Pamphlet ”
Link: https://pangletos.pref.mie.lg.jp/SHOSHIKA/HP/m0329700335.htm

▼ Maaaring ma download ang pamphlet sa link na ito:

Para sa mga batang nasa grade 1-3 ng elementary school:

Para sa mga batang nasa grade 4-6 ng elementary school.

Para sa mga High school at college students

Para sa mga matatanda

▽Ano ang mga pinahahalagahan ng ordinansa (mga pangunahing prinsipyo)

  1. Ang mga bata ay may mga karapatan mula pa sa kapanganakan at hindi dapat dumanas ng anumang uri ng diskriminasyon, anuman ang dahilan.
  2. Ang buhay at kalusugan ng mga bata ay dapat protektahan, at dapat silang lumaking malusog.
  3. Ang mga bata ay maaaring magpahayag ng kanilang sariling mga opinyon at lumahok sa iba’t ibang aktibidad sa lipunan.
  4. Ang mga opinyon ng mga bata ay dapat igalang, at ang kanilang mga interes ay dapat palaging isaalang-alang.

Ang pagprotekta sa mga karapatan ng mga bata ay hindi lamang responsibilidad ng prefecture.

Ang mga magulang at tagapag-alaga, mga negosyo, mga paaralan, at iba pa na kasangkot – lahat ng tao sa lipunan – ay may mahalagang papel na dapat gampanan.

Magtulungan tayo upang suportahan ang paglaki ng mga bata.

▽ Tungkol sa binagong bersyon ng “Mga Regulasyon ng mga Bata ng Prefecture ng Mie” (sa wikang Japanese lamang)
Link: https://www.pref.mie.lg.jp/SHOSHIKA/HP/m0329700298.htm

↑↑ Next Information ↑↑

Mag-ingat sa mga Engkwentro ng Oso (Bears)

2025/12/15 Monday Anunsyo, Kaligtasan

クマの出没にご注意ください。

Dumarami ang bilang ng mga nakikitang oso sa Mie Prefecture. May posibilidad na makasalubong ng isang Asiatic black bear (Tsukinowaguma) sa anumang lugar sa prefecture, kaya maging maingat.

Para maiwasan ang makasalubong ng oso

  • Kapag pupunta sa mga bundok, magdala ng mga bagay na maingay, tulad ng mga bells, sipol, o radyo, at iwasan ang maglakad nang mag-isa. Ang mga tunog na ito ay nagbabala sa oso tungkol sa presensya ng tao at tumutulong ito na maiwasan ang engkwentro.
  • Magbigay ng karagdagang atensyon sa madaling araw, takipsilim, at sa mga araw na may malakas na ulan o malakas na hangin. Sa umaga bago sumikat anag araw at dapit hapon ang mga panahon ng pinakamalaking aktibidad para sa Asiatic black bear. Bukod pa rito, ang ulan at hangin ay nagpapahirap sa oso na maramdaman ang presensya ng tao, na nagpapataas ng panganib ng mga engkwentro.
  • Iwasan ang pagpasok sa mga lugar na may low visibility o masukal na lugar. Maaari kang biglang makasalubong ng oso.

Para maiwasan ang maka-akit ng mga oso

  • Alisin ang anumang bagay na maaaring magsilbing pagkain ng oso (organikong basura, nalaglag na prutas, hindi nagamit na mga pananim, atbp.) at iimbak ang mga bagay na maaaring makaakit sa kanila (pakain ng hayop, pintura, panggatong, atbp.) sa mga nakakandado o maayos na kontroladong lokasyon.
  • Gupitin at linisin ang mga masukal na halaman upang mabawasan ang posibilidad na makakita ng oso.

Kung makakasalubong ka ng oso

  • Panatilihin ang iyong mga mata sa oso at dahan-dahang umatras palayo sa lugar.

Ang pagtalikod o pagtakas ay mapanganib at maaaring atakihin ng oso.

  • Kung umatake ang oso, sumilong o depensahan ang sarili

Protektahan ang iyong sarili sa pamamagitan ng pagsilong sa isang gusali o kotse, depensahan ang sarili (humiga nang nakadapa na ang iyong mga kamay ay nasa likod ng iyong leeg), o pag-spray ng bear spray.

Tungkol sa Bear Sighting Information App para sa mga Smartphones

Makakakuha ka ng impormasyon tungkol sa mga nakitang oso. Aabisuhan ka ng alert function kapag lumapit ka sa isang nakitang oso. (Simula Disyembre 2025, ang app ay available lamang sa wikang Japanese.)

  • Maari mong ma-download ang Android app dito.
  • Maari mong ma-download iOS/iPadOS app dito.

Kakailanganin ang Login ID at password para mabuksan ang app

  • Login ID: miekuma
  • Password: miekuma
    (Ang login ID at password ay magkaparehas.)
logo