Latest News

Alamin ang tungkol sa kontrata

契約について知ろう

2017/12/18 Monday Anunsyo

Ano ang Kontrata?

Ang pagbubuo ng isang kontrata ay kapag natugunan ang intensyon ng parehong partido. Ang “pag-sign at pag-stamp ng kontrata” ay ang tanging paraan upang makapagtatag ng isang kontrata. Ang mga napag-usapang kasunduan kapag inilagay sa dokumento at pinirmahan, ito ay magiging matibay na kontrata.

Sa sandaling maitatag ang isang kontrata, hindi na ito maaring mabago ng magkabilang panig maliban na lang sa mga espesyal na kaso.

Ito ay isa din kontrata

  • Bumili ng snacks sa convenient store
  • Magpagupit ng buhok
  • Magpa-delivery gamit ang telepono
  • Mag renta ng DVD
  • Mag download ng music gamit ang Smartphone

Kumpirmahing mabuti ang kontrata！

Ang kontrata ay isang importanteng dokumento na nagsasaad na kailangang sundin ang pinagkasunduan ng dalawang panig. Kahit gaano pa kaliit ang mga letra na nakasulat sa kontrata ay kailangang basahin lahat ng maigi. Ang pagpirma sa kontrata ay nagkakahulugan na tinatanggap mo ang lahat ng nilalaman ng kontrata. Upang maiwasan ang magkaroon ng problema, (katulad ng kapag iba ang nakasaad sa kontrata keysa sa pinag-usapang kasunduan) suriin munang mabuti ang dokumento bago makipag-kontrata.
Mga puntos na kailangang suriin bago pumirma sa kontrata

☑ Kailan（Araw ng pag-kontrata）

☑ Kanino（Pangalan ng negosyo, Address, Contact number）

☑ Ano（Pangalan ng produkto・Uri）

☑ Ilan（Gaano kadami）

☑ Magkano（Presyo）

☑Ano ang paraan ng pagbayad （Cash, Credit Card, atbp.）

☑ Paano matatanggap ang items（Kailan, Paano）

☑ May kasunduan ba tungkol sa cancellation

☑ May kasunduan ba tungkol sa damages at penalties

Mangyaring suriin ng mabuti ang nakasulat na nilalaman at huwag mag-kontrata kung hindi ka sumasang-ayon!

↑↑ Next Information ↑↑

Tungkol sa proseso ng renewal ng Omoiyari Chuusha-jo Riyo-sho o Omoiyari Parking Certificate

2017/12/18 Monday Anunsyo

おもいやり駐車場利用証の更新手続きについて

Simula noong July 2017, nawala na ang expiration date ng Omoiyari Chuusha-jo Riyo-sho o “Omoiyari Parking Certificate” na binibigay sa mga taong may kapansanan, matanda na nangangailangan ng long-term care, at sa mga taong may sakit na walang lunas.

Sa mga gumagamit nito, kapag ninanais na maipatuloy na magamit ang kasalukuyang certificate, kinakailangang magpa-renew. Ang proseso ng pag-renew ay maaaring gawin ng tatlong buwan bago dumating ang expiration date. Mangyaring dalhin ang inyong personal identification card at ang application certificate sa kinauukulang tanggapan.

Ano ang ibig sabihin ng sistema ng Omoiyari Chuusha-jo Riyo o “Omoiyari Parking Certificate”?

 Ito ay ang sistema na nagbibigay ng certificate of usage sa mga parking lot na para sa mga disabled. ipinagkakaloob ito sa may mga nangangailangang tao katulad ng mga taong may kapansanan, mga buntis, may mga injuries, mga matatanda na hindi na makalakad, nahihirapang maglakad o may mga sakit. Ito ay matatagpuan sa mga iba’t-ibang pasilidad katulad ng mga pampublikong pasilidad at pangkomersyal na pasilidad at ginagamit itong certificate upang makapag-parking.

Mangyaring tignan ang sumusunod na URL para sa certificate application / renewal window at mga requirements (Japanese only)

http://www.pref.mie.lg.jp/UD/HP/73426012526.htm

Makipag ugnayan sa:

Mie Ken Kenko Fukushi-bu Chiiki Fukushi-ka (Mie Prefecture Health and Welfare Department Community Welfare Section)

TEL 059-224-3349

FAX 059-224-3085

logo