Mangyaring mag-ingat!! Tumataas ang bilang ng mga pasyente na nahawaan ng German Measles/Rubella

---

(Impormasyon hanggang Oktubre 10, 2018)

Mula Hulyo 2018, ang mga ulat tungkol sa bilang ng mga pasyente na nahawaan ay nadagdagan, higit sa lahat sa rehiyon ng Kanto, at sa Mie Prefecture, ang mga ito ay dumami taon-taon.

Ang mga pasyente na may Rubella German Measles

(Ang mga unit ay bilang ng mga tao)　　　　　　　　　　　　　　　　　　　　　　　　　　　　　　　　　　

Taon	2014	2015	2016	2017	＊2018
Mie Prefecture	8	7	1	1	13
Nationwide	319	163	126	93	952

＊Ang bilang ng mga tao sa Mie prefecture hanggang Oktubre 7, at sa buong bansa hanggang Setyembre 30 ng 2018.

Kung ang isang buntis ay nahawaan ng rubella virus hanggang sa paligid ng 20 weeks ng pagbubuntis na kung saan ay hindi pa sapat na nabakunahan laban sa rubella virus, ang fetus ay maaaring mahawaan at ang sanggol ay maaaring ipanganak na may karamdaman sa mata, puso, tainga, at iba pa (congenital rubella syndrome).

Ang mga kababaihan na buntis ay hindi maaaring tumanggap ng bakuna laban sa rubella, kaya ito ay pinaka-epektibo kapag magpabakuna bago ang  pagbubuntis. Gayundin, mas mabuti na matiyak na ang mga tao sa paligid ng mga buntis na babae ay nabakunahan upang maalis ang panganib ng impeksiyon.

Ano ang Rubella?

Ito ay isang acute infection na sanhi ng rubella virus. Nakakahawa ito sa pamamagitan ng pagsinghot ng virus na kumakalat sa pamamagitan ng pag-ubo o pagbahing. Kapag na-impeksyon, may mga sintomas tulad ng lagnat, pantal, at pamamaga ng lymph node na lalabas pagkatapos ng 2 hanggang 3 linggo. Kadalasan mild lang ang sintomas na nararanasan ng mga bata na nahawahan, ngunit sa mga adulto, ang mga sintomas ay maaaring magpatuloy sa loob ng mahabang panahon o maging malubha.

Paraan ng paggamot

Walang espesyal na paggamot. Para sa lagnat, sakit sa buto, at iba pa, magbibigay ng gamot upang mapawi ang mga sintomas.

Paraan ng pag-iwas

Ang pagbabakuna sa Rubella ay ang pinaka-epektibong paraan (dalawang beses) batay sa batas ng pagbabakuna, ang mga tao na kasali sa routine vaccination ay makakapag-pabakuna ng walang bayad.

Target na tao para sa regular na pagbabakuna

1st term: simula 1 year old hanggang 2 years old

2nd term: simula 5 years old hanggang 7 years old. Bago pumasok sa elementarya

＊Kung hindi ka eligible para sa regular na pagbabakuna, magkakaroon ng ito ng bayad.

Kung nais mong makatanggap ng pagbabakuna, mangyaring sumangguni sa iyong family doctor.

Reference (Japanese only)

Mie ken Iryo Hoken-bu Yakumu Kansen-sho Taisaku-ka Kansen-sho Taisaku-han page:

http://www.pref.mie.lg.jp/YAKUMUS/HP/m0068000016_00001.htm