Ngayong darating na Oktubre 1, ang National Census Survey ay isasagawa sa lahat ng parte ng Japan

Ang National Census na ito ay isinasagawa kada 5 taon, para sa lahat ng mga taong naninirahan sa buong Japan kasama na ang mga dayuhang mamamayan.  Ang pagsasagawa ng survey na ito ay base ayon sa batas na ipinapatupad ng 「Statistics Act」, kung kaya’t ang lahat ay obligadong sagutan ito at ipasa sa kinauukulan.

Ang nilalaman ng survey ay binubuo ng 17 tanong tungkol sa mga miyembro ng pamilya, pangalan, kasarian, kapanganakan, nasyonalidad, uri ng trabaho, uri ng paninirahan at iba pa.

Simula sa buwan ng Septiyembre, ang mga tauhan ng National Census ay bibisita sa bawat tahanan para ibigay ang survey form. Pagpasok ng buwan ng Oktubre, muling bibisita ang mga tauhan ng National Census para kolektahin ang mga survey form na sinagutan. Sa pagkakataon ito, ang survey form ay maari ding sagutan sa pamamagitan ng internet access na nakasulat sa Nihongo at English, kaya’t maari ninyo itong sagutan gamit ang inyong computer o smart phone.

Ang mga tauhan ng National Census ay mga casual na empleyado ng goberyerno, may nakasabit na I.D. kasama ang litrato ng mukha at mayroon ding arm band, kung kaya’t sa kanilang pagbisita ay maaaring ninyong makumpirmi kung sila nga ay mga tauhan ng gobyerno.

Maari ding ninyong ilagay ang survey form sa loob ng sobre para sa oras na kolektahin ito ng empleyado ay hindi nila makikita kung ano ang nakasulat dito. Maaari ding itong ipadala sa pamamagitan ng post office. Kung ayaw ninyong personal na ibigay ang survey form sa empleyado, maaari ninyong gamitin ang mail envelope at ipadala sa post office box para makarating ng direkta sa kinauukulan.

Ang mga sagot na isinulat ninyo sa survey form ay gagamitin lamang para sa paggawa ng bagong statistics at analysis at naway maging mapanatag sa pagsagot dahil hindi-hinding ito ilalabas para gamitin ng iba (katulad ng imigrasyon, buwis o enforcement data).

Ang resulta ng survey na ito ay gagamitin para sa kapakanan ng mga mamamayan, para sa maayos na pagtatrabaho at mga hakbang para makaiwas sa kalamidad, kung kaya’t kinakailangan ito para sa ikagaganda ng pamumuhay ng lahat.

Hinihiling namin ang inyong pang-unawa at nawa’y sagutan ang 2015 National Census Survey.