Mayroong mga malalaking bilang ng bagyo (tinatawag na taifu sa Japanese) ang dumadating sa Japan kada taon.
Ang bagyo ay isang natural na phenomenon na maaaring mangyari kapag ang mga ulap ay nagdadala ng madaming tubig at naiipon kaya’t nagre-resulta ito ng maligamgam na alon sa karagatan.
Ang mga bagyo ay kadalasang nangyayari tuwing buwan ng tag-init, na may madaming bilang ng bagyong padating tuwing kalagitnaan ng Hunyo at Septyembro.
Ang mga warnings at advisories ay kadalasang ini-issue tuwing bagyo. Importante na tutukan ang mga updates na galing sa mga weather services, gobyerno, news agencies via television, radio, at sa Internet.
Klasipikasyon ng Tropical Storms at Typhoons
| Lakas | ||
| Klasipikasyon | Wind Speed（m/s） | Ang lakas ng bagyo ay natutukoy sa pamamagitan ng bilis ng wind speed (sa meters/second) |
| 1. Strong typhoon
2. Very strong typhoon 3. Violent typhoon |
33 ～43
44 ～ 53 54 o pataas |
|
| Laki | ||
| Klasipikasyon | Radius（km） | Ang Laki ng bagyo ay natutukoy sa pamamagitan ng radius ng rehiyon na nakakaranas ng gale force winds (na may average wind speed na 15km/s o mas mataas) |
| 1. Large
2. Super |
500 ～ 799
800 pataas |
|
Ang figure na ito ay nagpapakita ng inaasahang laki ng bagyo at daan nito ng higit sa tatlong araw.
Ang “lugar ng bagyo” ay ang lugar kung saan ang mas malapit sa sentro ng bagyo. Ang area na ito ang makakaranas ng malakas na pag-ulan at hangin ng 25km/s at pataas. Kapag ang lugar ng bagyo ay patungo sa inyong area, kinakailangang maging alerto tungkol sa impormasyon ng bagyo.
Ang mga impormasyon tungkol sa lakas, laki at prediksyon ng daan ng bagyo ay ibo-broadcast via television at iba pang media.
Ang Large scale na bagyo ay nakakadulot ng malakas na hangin at pag-ulan, na kung saan mapipinsala nito ang mga apektadong lugar. Ang mga bagyo ay nakakasira ng mga gusali at may mga namamatay din dahil dito sa lahat ng prefecture sa Japan, kasama na ang Mie noong mga nakaraang taon.
Evacuation Alerts
Paghahanda sa pag-evacuate (避難準備情報, hinan junbi jouhou) ＝Ang mga taong may pisikal na kapansanan, mga matatanda, pamilya na may mga bata, at iba pang tao na kinakailangan ng adisyonal na horas para makapag-evacuate ay kailanagang maghanda na sa pag-evacuate.Tuwing may natural na sakuna, ang mga lungsod at siyudad o mga town mayors ay magi-issue ng rekomendasyon sa pag-evacuate o mago-ordena ng evacuation.
Rekomendasyon sa pag-evacuate (避難勧告, hinan kankoku) ＝Ang alerto na ito ay ini-issue kapag nasigurado na tumaas ang banta ng pinsala sa mga tao na nakatira sa area. Hanggat maaari ay magsimula ng lumikas sa pagkakataon na ito.
Pag-ordena ng evacuation (避難指示, hinan shiji) ＝Ang alerto na ito ay ini-issue kapag napakataas na ng banta sa pinsala sa mga residente. Habang ang alerto na ito ay hindi legally binding, mahalaga na sundin ito at lumikas na agad sa lugar.
Mangyaring mag-evacuate na kaagad kapag may na-issue na rekomendasyon sa pag-evacuate at pag-ordena ng evacuation. Kapag sa palagay ninyo kayo ay nasa panganib, mangyaring lumikas na sa lugar kahit wala pang ini-issue na alerto.
Proteksyunan ang sarili tuwing bagyo
Ano ang maaari nating gawin para makapag-handa at ma-protektahan ang sarili tuwing may bagyo? Narito ang mga ilang bagay upang masiguro ang kaligtasan natin at ng ating pamilya.
１．Ang mga gamit o bagay na maaaring liparin ng malakas na hangin ay kailanagang tanggalin sa mga veranda at ilagay sa loob ng bahay.
２．Maghanda ng flashlight o torch para sa maaaring posibilidad ng evacuation o brownout. Importante na isama ang flashlight o torch sa inyong emergency kit o bag.
３．Sa oras ng bagyo, maaaring maputol ang supply ng tubig. Mag-ipon ng tubig para magamit sa sitwasyon na ito sa pamamagitan ng pagpuno ng tubig sa bathtub bago pa man dumating ang bagyo.
４．Isara ang storm doors at ibaba ang mga shutters ng bintana. Isara ng mabuti at i-lock ang mga bintana at pintuan.
５．I-check regularly ang mga gutters ng bubong kung ito ay barado o di kaya natanggal ito sa pagkakadikit sa inyong bubong. I-check din palagi kung ang inyong mga tiles sa bubong at antenna ng TV ay nakadikit ng mabuti sa inyong bubong.
６．Makipag-usap sa inyong pamilya kung saan ang pinaka-malapit na evacuation center at papano kayo makakapag-communicate sa isa’t-isa sa oras ng natural na sakuna.
７．Iwasan ang paglabas sa inyong bahay hanggat maaari.
Search and Rescue Tuwing at Pagkatapos ng Natural na Sakuna
Pagkatapos ng isang large-scale na natural na sakuna, ay posibleng matatagalan pa bago maabot ng mga bombero at mga Self-Defense Force personel ang mga apektadong lugar. Kaya’t importante sa mga miyembro ng mga apektadong komunidad na tulungan ang isa’t-isa pagkatapos humagupit ang sakuna.
Pagkatapos ng Hanshin-Awaji Earthquake, 80% ng mga tao na na-rescue ay na-rescue ng kanilang mga kapitbahay o pamilya.
Dito ay nagpapakita ng importansya ng kooperasyon sa ibang miyembro ng inyong komunidad tuwing oras ng sakuna. Alalahanin natin na ang simpleng pagbati sa umaga ay makakatulong sa pagtatag ng relasyon na kinakailangan para sa miyembro ng komunidad na masugpo ang mga natural na sakuna sa hinaharap.
