Ang high school sa Japan ay tinatawag na koutou gakkou sa wikang Japanese, o sa mas kilala at simpleng tawag na koukou. May higit na 90% ng Japanese Citizens ang pumapasok sa high school. Katulad ng elementary at middle school, mayroong national, public (halimbawa, prefectural at municipal) at private schools. Limitado lamang ang bilang ng schools na kung saan pwedeng mag apply depende sa region ng inyong tinitirhan. Ang high school education ay hindi compulsory at kayo ang magiging responsable sa pagbabayad ng school registration fees, class fees at iba pang mga bayarin sa textbooks.

1. Para sa pag-apply sa high school

Upang makapasok sa high school kinakailangan muna makapasa sa entrance exam ng paaralan. Para sa prefectural high schools ng Mie Prefecture, mayroong mga iba’t-ibang enrollment periods kung saan ang mga prospective students ay kailangan kumuha ng exam o di kaya mag-attend sa interview: zenki senbatsu (bandang February) at kouki senbatsu (bandang March). Mayroon din mga schools na may enrollment periods at exams para sa particular na grupo ng students, katulad ng non-Japanese students. Para sa iba pang impormasyon, mangyaring magtanong sa school teacher ng iyong anak o di kaya mag-access sa Mie Prefectural Board of Education homepage.

2. Qualifications

Kapag nakatakdang mag-graduate ng middle school sa Japan, o di kaya ay may educational background na equivalent o di kaya mas mataas sa Japanese middle school graduate, ay magiging qualified na makakuha ng high school examinations. Kapag nag-graduate ng middle school sa labas ng Japan ay nararapat mayroong proof of graduation. Kapag mag-aaply naman ng full time prefectural high school ay kinakailangan na ikaw, at ang magulang at guardian ay residente ng prefecture. Kapag naman maga-apply ng part-time prefectural high school ay kinakailangan nagta-trabaho o nakatira sa loob ng prefecture.

3. Types of High School

Kailangan makipag-usap kung anong klaseng high school ang gustong pasukan sa inyong mga magulang at middle school teacher.

(1) Subject
Ang school courses ay nahahati ng regular courses, technical courses （katulad ng manufacture, commerce at agriculture） at comprehensive courses.

(2) Programmes

Ang schools ay nahahati ng full-time, part-time at correspondence base sa numero ng oras ng klase na kailangan.

4. Buhay sa High School

Sa loob ng school year ay may iba’t-ibang mga school events, karamihan ng mga schools ay napaka aktibo sa mga extracurricular activities na isinasagawa pagkatapos ng klase o di kaya sa weekends. Tungkol naman sa nilalaman ng mga lessons ay napaka-mahirap pag-dating sa high school level, kaya’t kinakailangan maging dedikado sa pag-aaral. Ang high school ay hindi parte ng compulsory education system kaya’t kapag ikaw ay nagkaroon ng mababang grades ay maaring hindi ka makapasa at makapag-advance sa susunod na grade o di kaya maka-graduate.

Sa positibong pagsulong ng kada pagsubok na mahaharap kasama ng inyong mga kaibigan, ikaw ay magkakaroon ng fulfilling na 3 taon ng high school. Magkaroon ng malinaw na pananaw sa inyong future at magpursige na matupad ito sa high school!

Para sa impormasyon tungkol sa high school entrance exams sa 2014, paki-tignan sa ibaba:

◇ (Japanese language) 2014 Mie Prefectural High School Entrance Exam Implementation Outlines at Outlines para sa Recruitment ng Students ng Mie Prefectural Special Support Schools (Mie Prefectural Board of Education)

http://www.mie-c.ed.jp/koukou/boshu/h26/index3.html

◇〈Japanese language〉Sulat sa middle school students at kanilang mga parents o guardians: Aiming for Prefectural High School (Mie Prefectural Board of Education)

http://www.mie-c.ed.jp/koukou/boshu/h26/mezase.pdf

◇〈Japanese language〉Mie Prefectural High School Guide (Mie Prefectural Board of Education)

http://www.mie-c.ed.jp/rainbow/index.html

◇〈9 languages available〉 Guidance for Entering High School Guidebook（Mie International Exchange Foundation MIEF）

http://www.mief.or.jp/jp/guidance_guidebook.html