Vehicle Tax 2022: Huwag kalimutang magbayad hanggang sa nakatakdang deadline

---

Ang deadline sa pagbayad ng buwis sa sasakyan ngayong taon ay hanggang Mayo 31 (Martes).

Ang buwis sa sasakyan ay dapat bayaran nang isang beses sa isang taon ng sinumang may-ari ng sasakyan.

Ang buwis na ito ay ginagamit sa iba’t ibang mga serbisyong pang-administratibo sa Mie Prefecture tulad ng: edukasyon sa paaralan, pagpapabuti sa kalusugan, medical care at welfare, mga imprastrakturang pangpubliko ng transportasyon, seguridad sa trabaho, mga hakbang sa pag-iingat laban sa natural na mga sakuna, atbp.

Magpapadala ang Mie Prefecture ng asul na sobre na naglalaman ng “payment invoice” (noufusho – 納付書) sa lahat ng may-ari ng sasakyan.

Dalhin ang “payment invoice” (noufusho-納付書) na nakapaloob sa natanggap na envelope sa isang financial institution o convenience store para makapagbayad.  Bilang karagdagan, maaari ding bayaran ang buwis sa pamamagitan ng credit card (eksklusibo para sa pagbabayad sa Internet) o mga aplikasyon sa pagbabayad para sa mga smartphone.

Kung ang pagbabayad ay hindi nagawa hanggang sa takdang petsa, ang “late payment (entaikin – 延滞金)” ay sisingilin kasama ng halagang tinukoy sa invoice.  At, para sa mga hindi nagbabayad kahit na makatanggap ng mga babalang sulat at iba pang mga dokumento, ang parusa na tinutukoy ng batas ay ilalapat, na kasama, halimbawa, ang pag-kuha o seizure ng mga sasakyan, suweldo, mga kagamitan, mga ari-arian, atbp.

Huwag kalimutang magbayad hanggang Mayo 31 (Martes).

Motor Vehicle Tax (ng Mie Prefecture Homepage sa wikang Portuguese – Spanish – English – Chinese)

https://www.pref.mie.lg.jp/ZEIMU/HP/m0037200030.htm

Tungkol sa pagbabayad gamit ang smartphone app (Mie Prefecture Homepage – Japanese)

https://www.pref.mie.lg.jp/ZEIMU/HP/m0037200035.htm

Tungkol sa Internet Credit Card Payment (Mie Prefecture Homepage – Japanese)

https://www.pref.mie.lg.jp/ZEIMU/HP/82619017951.htm

Contact (sa wikang Japanese lamang)

Mie-ken Soumu-bu Zaishu Kakuho-ka Kazei Shien-han (三重県　総務部　税収確保課　課税支援班)
TEL: 059-224-2128