Ang Nagoya Regional Immigration Services Bureau ay magiging abala at matao sa kalagitnaan ng Agosto

---

Maraming mga kumpanya ang magsasara sa panahon ng Obon holiday (kalagitnaan ng Agosto), kaya bawat taon maraming tao ang nag-a-apply para sa residency status at iba pang mga dokumento.  Ibig sabihin, magiging abala ang counter sa Nagoya Regional Immigration Service Bureau (Nagoya Shutsunyukoku Zairyu Kanrikyoku).

Sa partikular, ito ay inaasahang magiging lubhang madaming tao mula ika-14 hanggang ika-18 ng Agosto.

Ang oras ng paghihintay ay magiging napakatagal, kaya kung wala ka namang problema sa residence status o periodof stay, inirerekomenda namin na iwasan mo ang mga panahon na kung saan magiging busy at matao.

I-click dito upang tingnan ang kalendaryo ng forecast ng dami ng tao para sa Agosto 2023 (inihanda ng Nagoya Regional Immigration Service Bureau).

* Sa Mie Prefecture, mayroong branch ng Nagoya Regional Immigration Service Bureau sa Yokkaichi Port.

Address: Mie-ken Yokkaichi-shi Chitose-cho 5-1 Yokkaichi Seaport Joint Government Office Bldg