Wilson Rossi
Mie-ken Diversity Suishin-ka (Mie Diversity Promotion Division)

Kamusta sa lahat ng nanood ng MieInfo. Sa video na ito, ipapakilala namin ang kagandahan ng Matsusaka City kung saan ang tradisyonal at modernong kultura ay nagsasama.

Una, magsisimula tayo sa pamamagitan ng pagpapakilala sa tradisyunal na panig. Nagpunta kami sa Okaderasan Keishoji na matatagpuan sa sentro ng lungsod. Ngayon ang ika-13 taon ng “Matsusaka Nadeshiko Donna Hana Matsuri”.

Upang maipakita ang kagandahan ng Matsusaka, nakipag-usap kami kay Higashimura, isang miyembro ng Miss Network Matsusaka, na nag-sponsor ng pagdiriwang na ito.

Higashimura Yoshiko – Utsukushiya Higashimura Gofukuten

Q: Maaari mo bang sabihin sa amin ang tungkol sa kagandahan ng Matsusaka.

A: Ang maganda sa Matsusaka ay mayroon pa rin maraming mga lumang town na natitira na nagpapahiwatig na isa itong lugar na alaala ng isang casle town. Mayroon pa ding natitirang stone wall sa mga castle, at ang mga kalsada ay nananatiling intricate, tulad ng isang maze, kaya’t itinuturing itong isang lungsod na magandang pasyalan.

Q: Maari mo bang ipaliwanag kung ano ang Matsusaka Nadeshiko.

A: Ang Matsusaka Nadeshiko ay isang uri ng bulaklak kung saan ang mga petals ay mahahaba at nakalawit na natuklasan sa panahon ng Edo. Natuklasan ito ng Tsugimatsu Eiji ng Kishuhanshi at inalagaan ito ng mga tao mula noon. Ito ay ipinahiwatig sa isang templo na tinatawag na Hokyoji Temple sa Kyoto sa pamamagitan ng Koukakutenno at maingat na tinatanim hanggang ngayon.

Q: Maaari mo bang sabihin ang tungkol sa Matsusaka Momen.

A: Matsusaka Momen ay isang blue na tela na may mga stripe patterns na kinagigiliwan ng maraming tao mula sa panahon ng Edo. Sa panahong iyon, kapag ang isang Kabuki na artista ay nagsuot ng may ganitong tela ng kimono, binagbansagan ito bilang “Suotin ang Matsusaka”. Sikat ang telang ito noong araw. Sana makapunta kayo at mahawakan ito.

Q: Maaari ka bang magbigay ng mensahe para sa mga dayuhan.

A: Masarap din ang karne sa Matsusaka! Mayroon din kaming masarap na tsaa! At mayroon ding Matsusaka Momen! Maraming tradisyon ang nananatiling hanggang ngayon! Mangyaring pumunta sa Matsusaka at maranasan ang lahat ng ito! Aasahan namin ang inyong pagbisita!

Sunod ay pumunta kami sa pinakabagong Kanko Koryu Center (Tourist Exchange Center) na binuksan noong Abril ngayong taon. Dito, makakakuha ka ng impormasyong pang-turista ng lungsod ng Matsusaka sa maraming wika.

Tinanong namin si Mr. Takegawa, ang managing director, kung anong uri ng pasilidad na mayroon sila dito.

Takegawa Yasuhisa – Managing Director, Matsusaka-shi Kankou Kyoukai

Q: Anong uri ng pasilidad ang Kanko Koryu Center (Tourism Exchange Center)?

A: Ang Tourism Exchange Center ay nasa gitna ng lumang lungsod ng Matsusaka. Ito ay mas maganda kung mayroon kang isang bahagi ng impormasyon habang naglalakad sa paligid ng lungsod. Pagkatapos ay may mga opinyon mula sa mga turista na walang lugar na mabibilhan ng mga souvenir (sa lungsod ng Matsusaka), kaya nagbebenta kami ng mga souvenir sa unang palapag. Sa ikalawang palapag, ang impormasyon ay ipinamamahagi sa pamamagitan ng mga display panel o DVD.

Q: Bakit itinawag ito na “Gosho no Machi Matsusaka”?

A: Ang kasaysayan ng Matsusaka, lalo na sa palibot ng kastilyo, ay halos 400 taong gulang, ngunit ang ilan sa mga nangungunang mangangalakal ng Japan tulad ng “Mitsukoshi” at “Mitsui Group” ay galing sa Matsusaka. Bukod dito, ang bahagi ng gusali na tinirhan nila ay nasa Matsusaka pa rin, kaya pinangalanang itong “Gosho no Machi”.

Q: Narinig namin na sikat ang gourmet sa Matsusaka, ngunit anong uri ng espesyal na produkto ang mayroon dito?

A: Ang Matsusaka ay isang lungsod ng gourmet. Partikular na sikat ang karne ng baka, ang Matsusaka Gyu. Bukod dito, ang baboy at manok ng Matsusaka ay nagiging popular kamakailan. Bukod pa rito, ang Matsusaka ay isang lugar kung saan ang produksyon ng tsaa ay napakapopular, kaya makakabili ka ng masarap na tsaa dito.

Q: Ang Matsusaka City ay tirahan ng tradisyonal na kultura, ngunit maaari mo bang sabihin sa akin kung mayroong inirekumendang lugar (ruta ng paglalakad).

A: Maraming lumang gusali ang Matsusaka. Sila ay nasa paligid ng Tourism Exchange Center, kaya mas maganda kung maglalakad ka sa parte na iyon ng lungsod. At kung maaari kang lumayo at lumabas ng siyudad, makakakita ka ng magandang plantasyon ng tsaa, at ang mga kagubatan at ilog ay maganda rin. Kung gusto mong malaman ang kasaysayan at kultura at kung gusto mong matamasa ang kalikasan, sa palagay ko mas maganda na pumunta sa mga probinsya.

Q: Maaari ka bang magbigay ng mensahe para sa mga dayuhan.

A: Sa tingin ko maraming tao dito ang mabait na magbibigay sa inyo ng gabay. Maaaring may hadlang sa wika, ngunit sa palagay ko maaari kang maglakad sa bayan ng Matsusaka gamit ang simpleng pag-uusap. Halina kayo, nais kong anyayahan lahat na bumisita sa Matsusaka, tingnan ang mga lumang gusali, kumain ng masarap na pagkain, at ako ay umaasa sa inyong muling pagbalik (bilang isang repeater).

At sa huli, nagpunta kami sa Matsusaka-shi Sogo Undo Koen Skate Park. Ito ang pinakamalaking skateboarding venue sa Japan na binuksan noong Abril ngayong taon.

Interview ng mga bisita

Ako ay mula sa Fukui Prefecture. Malaki (dito), maganda at imay isang seksyon ng kalye. Sa palagay ko ito ay isang magandang parke.

Q: Anong nagustuhan mo sa Skateboarding?

Marami kang makikilala at magiging kaibigan sa pamamagitan ng skateboarding. Kahit na magaling ka o hindi magaling mag skate, maaari ka pa ring makisama sa lahat kapag nag-skate. Ang skateboarding ay isang masayang karanasan, kaya inirerekomenda ko na subukan kung hindi mo pa na-try ito. At sa palagay ko ang park na ito sa Mie-ken Matsusak-shi, ay napakalaki, inirerekomenda ko ang mga tao mula sa labas ng prefecture na bumisita.

Nag-aalok ito ng iba’t ibang mga lugar para sa mga beginners at advanced na users upang mag-enjoy sa iba’t ibang mga antas, pati na rin ang mga rental para sa mga kinakailangang kagamitan, kabilang na ang mga skateboards. Bukas ito tuwing weekends at bukas mula 8:30 am hanggang 10 pm. Ang admission fee ay 300yen para sa mga adults, 100yen para sa mga high school students at junior high school, at mga mag-aaral sa elementarya at pababa ay maaaring makapag-enjoy ng libre ng buong araw. Mayroon ding mga trial sessions para sa mga beginners, kaya mangyaring pumunta at tangkilikin ang skateboarding sa Matsusaka.

So, ano sa palagay mo ang Lungsod ng Matsusaka? Sa video na ito, ipinakita namin ang ilan sa mga tradisyonal at kontemporaryong aspeto ng Matsusaka City. Mayroon ding maraming iba pang mga kagiliw-giliw na mga lugar. Mangyaring bisitahin ang Matsusaka City at masilayan ang kagandahan nito.

Sa ibaba ng pahinang ito, matatagpuan ang impormasyon sa mga lugar na itinampok namin at mga link sa website, kaya’t mangyaring tignan ito.

Ipinakilala ng MieInfo ang iba’t ibang tourist destination sa Mie Prefecture. Pakitingnan ang espesyal na tampok na “Mie wo Shiro” (Alamin ang Mie)

Okadera-san Keishou-ji (岡寺山継松寺)
Address: Mie-ken Matsusaka-shi Nakamachi 1952
Site: https://www.okadera.com/
Google Maps: https://goo.gl/maps/V1rTV49unS2jWnVR8

Matsusaka Castle (松阪城)
Address: Mie-ken Matsusaka-shi Tonomachi
Site: https://www.city.matsusaka.mie.jp/site/kanko/matusakajogaiyou.html
Google Maps: https://goo.gl/maps/ra3jHe5n5oJiFe1v6

Kankou Kouryu Center (観光交流センター)
Address: Mie-ken Matsusaka-shi Uomachi 1658-3
Site: https://www.kankomie.or.jp/special/matsusaka-informationcenter/
Google Maps: https://goo.gl/maps/ARoJkD6yeLgaf7u89

Matsusaka-shi Sogo Undou Kouen Skate Park (松阪市総合運動公園スケートパーク)
Address: Mie-ken Matsusaka-shi Yamashitacho 1658-3
Site: https://www.city.matsusaka.mie.jp/soshiki/41/skate.html
Google Maps: https://goo.gl/maps/wFiHACWh6qbv9KDA8

The post Alamin ang Mie: Matsusaka City appeared first on Mie Info.

Maraming lugar sa Mie Prefecture kung saan maaari mong matamasa ang kalikasan at kultura.

Ang Ise Shima, na pinili bilang isang lugar para sa Ise Shima Summit noong 2016, ay itinalaga bilang Ise Shima National Park, at mayroong magagandang kalikasan na maaaring sabihin bilang orihinal na landscape ng Japan. Ito ay magandang lugar na kilala bilang lugar ng kapanganakan ng Ise Shrine, Sea lady culture at Pearl farming, ang lugar na ito ay isa din lugar kung saan minana ang tradisyonal na kultura at mga kagawian.

Sa panahong ito, ang accompanied tour ng lugar kung saan makakakuha ka ng mga larawan na nais mong ipadala sa social media atbp, ang “Insta Meet @ Ise Shima Kokuritsu Koen”, ay isang paraan upang maipakilala ang kagandahan ng Ise Shima sa pamamagitan ng paglagay ng contents o larawan sa social media.

Gayunpaman, kung hindi mo pa alam ang tungkol sa Ise Shima, mangyaring pumunta at bisitahin ang lugar na ito. Maaari mong masilayan ang tunay na magagandang tanawin at kultura.

Asamayama (Asama Mountain)

Una sa lahat, dadaan muna mula sa skyline ng Ise Shima na kumukonekta sa lungsod ng Ise at Toba City. Mayroong babayaran sa toll gate na 1250 yen (para sa normal na kotse), Gayunpaman, ang mga madadaan ay mayroong magagandang tanawin na maari ninyong ma enjoy.

Ang unang bibisitahin na mula sa direksyon ng lungsod ng Ise ay ang Asama Mountain Observation Deck. Ito ay isang inirerekumendang lugar kung saan maaari mong makita ang isang napaka-ganda at kahanga-hangang tanawin.

Ang Asama ay matatagpuan sa Ise Shima National Park at isang Mie sightseeing spot na napili rin para sa isang daang mga landscape sa Japan. Ang bundok na ito, na masisilayan ang unang pagsikat ng araw, ay kilala bilang sagradong bundok ng Ise Shima. Mula sa observation deck sa summit na may taas na 555 m above sea level, maaari mong makita ang mga isla na nakapaligid sa Ise Bay. Kapag maaliwalas ang panahon, maaari mong makita ang Southern Alps at Mount Fuji.

[Interview- Kobayashi Atsushi- Gifu Ken]

「Pinagpala ako na maaliwalas ang panahon kaya’t ako ay talagang namangha sa kagandahan ng landscape at nakakuha ng magagandang litrato. Talagang kakaiba sa ganda ang lugar, kahit ilang beses pa pumunta dito hindi magsasawang kunan ng ulit ng litrato.」

Masaya ka ba na nakapunta ka dito?

「Oo naman, syempre.」

Maaari mo ring ma-enjoy ang footbath na nasa tuktok ng bundok.

Website: https://www.kankomie.or.jp/spot/detail_1609.html

Google Map: https://goo.gl/maps/Cw3jnqy1jJm

Kongoshoji (Kongo temple)

Ang susunod na lugar ay ang Kongoshoji (Kongo temple) na matatagpuan malapit sa Asakuma Mountain Observation Deck. Libre ang pagpasok. Ito ay isang templo na pinoprotektahan laban sa demonyo ang dambana ng Ise, ito ay ang sinasabing dambana ng Shinto shrine, Ang mga taong pumupunta galing sa pilgrim ay may kinakanta  sa dambana ng Ise na `O Ise mairaba Asama o kake yo, Asama kakeneba katamairi’ na ang ibig sabihin ay 「Kapag pumunta ka sa Ise, suutin ang Asama kimono, kapag sinuot mo ito, pupunta ako sa lalong madaling panahon.」

Ang outer red vermillion at ang inner gold foil ay napaka-ganda. Ang main hall ay nakalaan para sa mga importanteng kultural na pag-aari ng bayan.

Website: https://www.kankomie.or.jp/spot/detail_3035.html

Google Map: https://goo.gl/maps/mzua2FVt6nP2

Ago Wan (Ago Bay)

Sa patuloy na paglakbay sa Ise Shima skyline ay mararating ninyo ang Toba City. Andyan ang Kashikima harbor sa Shima City, mga 40 minuto sa pamamagitan ng kotse mula sa Toba City. Dito maaari mong matamasa mula sa isang bangka ang maganda at natatanging Ago Wan. Ang presyo ay mula sa 1,400 yen kada isa.

Matatagpuan din ang Ago Wan sa Ise Shima National Park at nagtatampok ng Rias coast na may complex na coastline. Ang produksyon ng mga perlas ay umaasenso, na nagshi-ship ng perlas mula sa 8th century. Mula sa simula ng pearl fish farming technology hanggang sa katapusang ng 19th century, ang lugar na ito ay ang pangunahing sentro ng produksyon ng pearl farming.

Ang napakaraming mga isla at peninsula na lumulutang sa iba’t ibang porma ay may magagandang anyo na hindi maipapahayag sa salita lamang. Magandang ma-capture din ito sa isang litrato, ngunit ang mga tanawin na makikita mo ay tiyak na mananatili sa iyong isipan.

Website: https://www.kankomie.or.jp/spot/detail_6701.html

Google Map: https://goo.gl/maps/9KtvxKbmFjx

Kirigakitenbodai (Kirigaki Observatory)

Ang huling ipapakilala ay ang Kirigakitenbodai. Ito ay isang lugar na maaari kang kumuha ng mga magagandang litrato sa buong taon, ngunit ang tanawin tuwing hapon ay ang mas inirerekomenda.

Ang Kirigakitenbodai ay isang observation deck na matatagpuan sa silangang bahagi ng Ago Bay, Kashikojima sa bandang kanan, Makazakijima sa harap at Maejima Peninsula sa bandang kaliwa. Maraming mga mahuhusay na photographer ang bumibisita sa lugar na ito dahil sa kakaibang view tuwing paglubog ng araw sa lungsod ng Ise Shima. Ang kagandahan ng tanawin ng Ago Wan na kung saan napakaganda ng kulay tuwing sunset ay mas maganda kapag personal na masisilayan ang lugar. Mangyaring pumunta dito kapag bibisita sa Ago Wan. Libre ang parking lot.

[Interview- Manabe san-Shiga Ken]

「Ngayong araw, pumunta ako dito para kumuha ng litrato ng sunset, kanina hindi ako makakuha ng magandang litrato dahil natatakpan ito ng ulap. Pumunta ako banda dito, at naging maayos naman ang daloy ng ulap kaya’t nakakuha ako ng magandang litrato. Maganda ang lokasyon kaya’t inirerekomenda ko para sa mga gustong kumuha ng litrato.」

Website: https://www.iseshima-kanko.jp/spot/1338/

Google Map: https://goo.gl/maps/fnm8cynG7e52

Sa video na ito, ipinakilala namin ang maliit lang na parte ng Ise Shima. Bukod pa dito ay may madami pang mga “Insta Shine” spots. Sa Ise Shima National Park, ang proporsiyon ng pribadong lupain ay napakataas, 96% kumpara sa iba pang mga pambansang park, at napakaraming tao ang namumuhay na mayaman sa kasaysayan, kultura, at kaugalian ng mga lokal na tao. Ito ay isang tampok na maaaring mas maintindihan pa ng husto.

Mayroon ding magagandang nature pati na rin ang natatanging pagkain ng rehiyon, makasaysayang mga tindahan ng templo, theme park at resort hotel, at isang lugar na nakakatugon sa mga magkakaibang pangangailangan tulad ng magpapamilya, magkakaibigan, o solo sa paglalakbay. Mangyaring pumunta sa Ise Shima at masilayan ang kagandahan ng lugar.

Para sa karagdagang impormasyon tungkol sa Mie, Tignan ang section ng Mie Info na (Mie wo Shiro)  “Let’s learn about Mie”. Isama ang buong pamilya o kaibigan at tignan ang kagandahan ng Mie Prefecture.

http://mieinfo.com/ja/category/mie-o-shiro

The post Halina’t kilalanin ang Mie ~ Ang orihinal na tanawin sa Japan, ang magandang tanawin ng Ise Shima ~ appeared first on Mie Info.

Ngayon araw na ito, gusto kong ipakilala sainyo ang mga magagandang lugar na ito sa loob ng Nabana no Sato.

Ang Nabana no Sato ay matatagpuan sa Mie Ken Kuwana Shi, Ito ay ang lugar kung saan mae-enjoy ng buong taon ang mga magagandang bulaklak ng kada season ng buong taon katulad ng tulips, roses, daffodils at iba pang mga halaman at bulaklak. Makikita ang mga iba’t-ibang uri ng bulaklak at halaman sa 9,000㎡ na greenhouse, ang Begonia Garden naman na may 12,000 trees ay nakatanim sa isang espesyal na lugar.

Ang Begonia Garden ay nahahati sa ilang mga lugar, at sa kada lugar nito ay may maraming klase ng begonias na namumulaklak. Ang pagiging makulay nito, kagandahan at mahalimuyak na amoy ay syang nakaka-akit ng madaming mga bisita.

Tignan po natin ang mga ito.

Ang season ng pinaka-maraming namamasyal ay tuwing winter na kung saan ginaganap ang illumination. Dito sa Nabana no Sato, mae-enjoy ninyo ang pinaka-malaking illumination ng Japan na kung saan ang lugar ay binubuo ng millions na LED lights.

Ang illumination period ay ginaganap kada taon simula sa Oktubre hanggang Mayo. Ang illumination ng 2016 ay nagsimula ng October 15 hanggang May 7, 2017. Maaari nyong i-check ang schedule sa official site ng Nabana no Sato.

Ang masterpiece nito ay ang 200 meters na haba na “Tunnel of Light” na binubuo ng matitingkad na kulay ng bulb na may motif ng cute na petals at ang malawak na ground na naging engrandeng illumination na sea of light. Mayroon ding mobile observatory na pwedeng sakyan at makita ang view ng buong garden.

Mararating ninyo ang theme area pagkatapos ninyong dumaan sa “Tunnel of Light”. Maaaring matunghayan ang light show na may music ng 2016 na may temang “Earth”.

Sa engrandeng illumination na ito ay matutunghayan ang mga Iba’t-ibang magagandang scenery ng mundo na gustong mapuntahan ng mga tao at ipapakita ito ng sunod-sunod.

• The Americas Monument Valley
• Antartica
• African Continent
• Eurasia Continent Plitvice Lakes National Park
• Tanada “Rice Terraces” (Japan)

Pagkatapos dumaan sa theme area, ay makakarating sa isa pang magandang light tunnel na may temang “Autumn”. Ito ay katulad ng autumn leaves at nag-iiba ang kulay na magkasunod na kulay green, orange at red.

Ang symbol tree na”Twin Tree”, na matatagpuan malapit sa chapel ay napiling Christmas tree ng Japan noon 2015. Ito ay may dekorasyon sa mga sangay nito ng LED light bulb at kasabay ng illumination ay ang malagong dahon nito. Maaari din na magwedding ceremony sa chapel na ito.

Ang “Hikari no Taiga” ay isang kakaibang illumination sa buong bansa, ito ay nagre-representa ng elegante at delicate river at ang daloy ng masiglang waterfalls. Mae-enjoy ninyo ang kagandahan ng iba’t-ibang pagbabago ng daloy ng river na may dynamic na effect kasabay ng BGM (Back Ground Music).

Bukod pa dito, Ang park ay may higit na 10 restaurants at mae-enjoy ninyo kasama ang inyong pamilya, ang Japanese food, at mga gourmet katulad ng Italian at Chinese. May mga inilagay din na Foot Bath para mapawi ang pagod at pwede itong magamit para makapag-relax. May mga tindahan din para sa souvenirs at ibang shops tulad ng flower shop at bakeshop malapit sa entrance. Ang Nabana no Sato ay isang open na lugar na pwedeng makapag-unwind ang kahit sino.

Makaka-spend ng araw ng masaya sa loob ng magandang park na puno ng masayang attractions na may makulay at diverse na mga bulaklak at halaman.

【Nabana no Sato Kumagai San Interview】

Maaari nyo bang ibahagi saamin ang kagandahan ng Nabana no Sato.

「Ang Nabana no Sato ay nagbukas noon 1998 para ma-enjoy ang mga bulaklak ng apat na season, at para lubos-lubusang ma-enjoy ng mabuti ang mga scenery ng kada-season. Sa Spring ay matutunghayan ang mga plums, maagang pagsibol ng Kawazu cherry tree at mga tulip na nakakalat sa buong park. Sa summer naman ay ang hydrangea, flower gourd at sa autumn naman ay mga cute na cosmos, madaming uri ng dahlias at seasonal flowers. At ang illumination sa loob ng park ang pinaka main attraction, sa palagay ko ay ito ang pinaka-charm at kasayahang mararamdaman pagpumunta sa Nabana no Sato.」

Maraming salamat po, at sa pagtatapos, maari ba kayong magbigay ng mensahe para sa mga foreign residents.

「Ang Nabana no Sato ay isang napakahalagang lugar na kung sa maaaring ma-enjoy ang magkasang seasonal flowers at illumination. Siguradong magugustuhan din ng mga taga-ibang bansa ang magandang scenery ng Japan at iba’t-ibang pagkain katulad ng Japanese, Western at Chinese at pati na din sa Natural Hot Spring. Kaya’t inaanyayahan namin kayo na magspend ng time para makapag-relax dito sa Nabana no Sato.」

Business hours（Winter Illumination Period）

• Weekdays: 9 am hanggang 9 pm
• Weekends and Holidays: 9 am hanggang 10 pm

Admission Fee: Elementary student pataas   2,300 Yen/person（May ibibigay na 1,000 Yen worth na coupon na maaring gamitin sa loob ng park）
Parking: FREE
Access:
〒511-1144　Mie Ken Kuwana Shi Nagashima Cho Komae Urushibata 270
MAP: Mangyaring i-click dito
Website: www.nagashima-onsen.co.jp

Business hours（Winter Illumination Period）: http://www.nagashima-onsen.co.jp/nabana/illumination/time_price.html/

The post Tayo na’t kilalanin ang Mie: Nabana no Sato appeared first on Mie Info.

Iminumungkahi sa mga pamilyang may mga anak na mag-enjoy ng todo sa mga amusement park dito sa Mie.  Sinisiguro na magiging isa ito sa mga karanasang hindi ninyo malilimutan.

Sa video na ito ay ipapakilala sa inyo ang mga lugar sa Mie na nagtataglay ng kakaibang kagandahan, katulad ng  lugar ng Higashi Kishu, Ise Shima, Chusei, Iga at Hokusei

Mas lalo pa nating alamin ang lugar ng Mie.

Higashi Kishu Area

Ang lugar ng Higashi Kishu na sagana sa likas na kayamanan ay kakikitaan ng kamangha-manghang tanawin kung saan ang magkatuwang na ganda sa paligid ng dagat at ilog ay masisinagan mula sa baybayin na siyang pang-akit ng lugar na ito. Sa kasibulan ng tag-init, ang mga turista mula sa ibat ibang panig ng Japan ay dumarayo  dito upang masilayan ang sikat firework festival sa lugar na ito.

Ang kinikilalang isa sa mga Yaman ng Mundo ay matatagpuan dito, ang 「Kumano Kodo」. Ang kasaysayan ng 「Kumano Kodo」ay masasabing mahigit libong taon na ang lumipas mula ng makilala ito bilang sagradong daan patungo sa templo. Tamang tama ang lugar na ito para sa meditasyon at hilig sa paglalakad.

Ise-shima Area

Masasabing ang taglay na ganda ng baybayin ang magandang katangian ng lugar na ito. Ang mga sariwang pagkain sa lugar na ito na nahuhuli mula sa dagat ay napakasarap . Isa sa mga pinakasikat na pagkain sa lugar na ito ay ang 「 Tekone Sushi」at「Ise Udong」.

Ang sikat na 「Ise Jingu」na hinati sa 「Geku」at 「 Naiku」ay dinadalaw ng libo-libong mananamba taon taon. Sa paglalakad sa daan patungo sa mismong shrine ay mararamdaman mong nililinis ang iyong pagkatao.

Chusei  (Central Area)

Sa sentrong bahagi ng Mie ay ang lugar ng Tsu kung saan nakatayo ang pinaka gusali ng  prepektura. Sa lugar din na ito ay maraming mga bulubunduking tanawin na habang pinagmamasdan ay maaring i-relax ang katawan sa mainit na spring water.

Sa buong araw ay maaring ma-enjoy ang mga modernong pasilidad  katulad ng museleo at art gallery kasama ang buong pamilya.

Isa na dito ang「MieMu（National Museum ng Mie)」at 「Mie Art Gallery」na matatagpuan din sa Tsu at ang Saiku Historical Museum ay matatagpuan naman sa lugar ng Meiwa.

Ang  kilalang brand  ng karneng「Matsusaka Beef」ay dinarayo ng mga tao mula sa ibat ibang lugar para lang tikman ang sarap nito.

Iga Area

Ang lugar ng Iga ay kilala dahil sa mga “Ninja”. Malalaman mo ang lahat ng kasaysayan tungkol sa mga ninja kung magtutungo ka sa「 Iga Ninja Museum」at dito ay maari din masubukan kung paano maging isang ninja.

Sa iisang lugar kung saan nakatayo ang ninja museum ay matatagpuan ang 「Iga Ueno Castle」. Karamihan sa mga turistang nagpupunta dito ay nabibighani rin sa natural na ganda ng kalikasan ng lugar.

Isa rin sa mga kilalang lugar na pinupuntahan ng mga turista tuwing tagsibol ay ang 「Akame Shiju Hachi Taki」at「Kouchidani 」dahil sa makulay na ganda ng mga dahon.

Hokusei (Northern Areas )

Sa hilagang bahagi ng Mie ay maraming ring mga tourist spot.

Ang 「Gozaishodake」na may ala panoramang ganda ng tanawin ay masisilayan ng buong isang taon at ang panggabing tanawin mula sa liwanag na nagmumula sa ilaw ng pabrika ng Yokkaichi ay kilala rin ng lahat. Bukod sa mala-kulturang tourist spot na ito ay maraming rin mga amusement park na ma-eenjoy ng kahit anong henerasyon.

Sa lungsod ng Suzuka, idinaraos ang F1 International Race sa lugar ng「Suzuka Circuit」kung saan ang mga sikat na car racer ay nakilala sa lugar na ito. Isa rin sa mga sikat na amusement park ay ang 「Nagashima」at 「Nabana No Sato」.

Sa video na ito ay ipinakikita  ang ilang lang sa mga magagandang lugar sa Mie. Bukod sa mga lugar na ito ay marami pang mga lugar na siguradong masisiyahan kayo sa ganda ng kalikasan.  At kadalasan ang mga lugar na ito ay madaling puntahan at may available na guidelines na nakasalin sa ibat ibang wika, kayat para sa mga dayuhan residente o maging galing man ng ibang bansa ay siguradong masisiyahang dumalaw dito.

Sa araw ng weekend o bakasyon, bakit hindi mo subukang isama ang mga kaibigan at buong pamilya at silayang ang kagandahang taglay ng lugar ng Mie.

Mie Tourist Information Link

– Exploring Mie Prefecture

– Exploring Mie: Thermal Spring of Mie

– Exploring Mie: Souvenirs from Mie

– Exploring Mie: Gastronomic Delicacies of Mie

（観光みえ　Mie Tourism Guide）

[Higashi Kishu]

– Exploring Mie: Higahsi Kishu Region

– Kumano Kodo – World Heritage in Mie

– Exploring Kumano Kodo Center

[Ise Shima]

– Exploring Mie: Ise Shima Region

– [Exploring Mie] Festivals in Ise-Shima Region

– Exploring Ise Shrine (Naiku)

– Exploring Meotoiwa

– Exploring Pearl Island in Toba

[Chusei]

– Exploring Mie: Central Region

– [Exploring Mie] Festivals in central area

– Exploring MieMu – Mie Prefectural Museum

– MAP Children’s Castle in Mie

[Iga]

– Exploring Mie: Iga Region

– Iga Ninja Museum and Ninja Show

– Exploring Iga Ninja Museum and Danjiri Kaikan

– Exploring Mie – Kouchidani

– Exploring Mie – Akame Shijyu Hachi Taki

[Hokusei]

– Exploring Mie- Northern Area

– Exploring Mie – Festivals in northern area

– Ise Katagami – Tradition in Mie

– Tradition in Mie Yokkaichi Banko Yaki

– Gozaisho – a place to enjoy all the year

The post Alamin Natin ang Kagandahang Taglay ng Mie appeared first on Mie Info.