Ako si SUZUKI Eikei, Gobernador ng Mie Prefecture.

Bilang isang hakbang sa pag-iwas sa nakakahawang sakit na Covid-19, magsasalita ako na suot ang aking face mask.

Nasa taong 2021 na ngunit nananatiling malubha pa din ang sitwasyon sanhi ng dumaraming bilang ng mga taong nahawahan ng coronavirus.

Alam kong maraming mga dayuhang residente ang apektado at ang ilan ay naghihirap ngayon, nakakaramdam ng pagkabalisa at pag-aalala dahil hindi sila makabalik sa kanilang sariling bansa upang makita ang kanilang mga kaibigan at pamilya.

Ang mga paunang sintomas ng COVID-19 ay maaaring makaramdam tulad ng isang regular na trangkaso. Gayunpaman, ito ay isang virus na may mataas na rate ng kontaminasyon, napakapanganib at maaaring maging sanhi ng mas seryosong sintomas. Kung nahawaan ka ng sakit, ang mga malapit sa inyo ay dapat ding i-isolate. Nakakaapekto ito sa pamumuhay ng marami na nahaharap sa pagkonti ng kita dahil hindi sila nakapagtrabaho.

Bilang gobernador ng Mie, nais kong humingi ng tatlong kahilingan sa inyo. Mangyaring pakinggan ang mga kahilingang ito upang magkasama nating masugpo ang krisis na ito.

Una, hinihimok ko ang lahat na sumunod sa mga hakbang sa pag-iingat.

Iwasan ang masisikip na lugar na may mahinang bentilasbentilasyoing tao as masikip nalugar at mga sitwasyon kung saan hindi maiiwasan ang malapit na pag-uusap sa pagitan ng ibang tao. Iwasang makipagkita sa madaming tao na hindi kasama sa inyong tinitirhan kahit na sila ay iyong mga kaibigan o miyembro ng pamilya. Halimbawa, huwag magtipon ng higit sa 5 katao upang lumabas at kumain ng sama-sama.

Magsuot ng face mask hangga’t maaari. Lalo na sa mga panahon ng pahinga sa trabaho, kapag makikipagpalitan ng lugar sa ibang tao at kapag nakikipag-usap sa panahon ng pagkain. Palaging hugasan nang lubusan ang iyong mga kamay at magdisimpekta gamit ang alkohol.

Ingatan ang iyong kalusugan. Magpahinga kapag masama ang pakiramdam. Magpahinga mula sa trabaho o paaralan at humingi ng payo sa doktor.

Pangalawa, hinihiling ko sa mga tao na nagpositibo sa COVID-19 na sundin ang mga alituntunin.

Kung nagpositibo ka sa COVID-19, huwag umalis ng inyong bahay hanggang malaman ang lugar ng iyong paggagamutan. Magsuot ng face mask kahit sa loob ng bahay, subukang manatili sa isang nakahiwalay na silid at iwasan ang direktang pakikipag-ugnayan sa ibang mga residente. Kung kailangan mong lumabas upang gumawa ng mga pagsasaayos para sa pagpasok, hilingin sa ibang tao na hindi nakatira sa iyong tirahan na pumunta para sayo.

Isang opisyal mula sa Department of Public Health (hoken-jo) ang magtatanong sa iyo tungkol sa iyong mga sintomas at kasaysayan ng mga lugar na iyong napuntahan. Ang pagsisiyasat na ito ay napakahalaga hindi lamang para sa iyong paggaling ngunit upang maprotektahan din ang mga tao sa paligid mo. Kung hindi ka nakakaintindi ng Japanese, susubukan naming magbigay ng assistance sa inyong wika. Mangyaring sagutin ang mga katanungan ng tapat, dahil ang kawani ng Department of Health ay hindi ka naman papagalitan o huhusgahan sa anumang paraan.

At ang huli sa lahat, hinihiling ko ang kooperasyon ng lahat kung sakaling may mga nahawahan sa inyong social circle.

Susuriin ng Department of Public Health ang kada kaso at matutukoy kung ikaw ay isang tao na may “contact” o naging “close contact ” sa isang pasyente. Makikipag-ugnayan sila sa iyo kung kailangan mo ding kumuha ng test, kaya’t mangyaring sundin ang mga tagubilin.

Maaari kang umalis ng inyong bahay kung natukoy ng Department of Health na hindi ka nagkaroon ng malapit na pakikipag-ugnay sa isang taong nahawahan. Ngunit kahit na iyon ang kaso, patuloy na alagaan ang iyong kalusugan at sumunod sa mga hakbang sa pag-iwas.

Bilang isang hakbang sa pag-iwas, inirerekumenda na iwasan ang pagbisita sa mga pasyente ng COVID-19. Ngunit kung kailangan mong bisitahin ang isang pasyente, sundin ang mga inirekumendang hakbang sa lugar ng ospital.

Sa madaling salita, hinihiling ko para sa pagsunod ng lahat sa mga hakbang ng pag-iiwas at sundin ang mga alituntunin kung nahawahan ka ng COVID-19 o kapag ang taong malapit sa inyo ay nahawahan ng virus.

Ang pamahalaang panlalawigan ng Mie ay nagsasagawa ng mga kinakailangang hakbang upang wakasan ang pandemikong ito sa lalong madaling panahon at upang maprotektahan ang buhay at kaligtasan ng lahat ng mga mamamayan.

Nakatuon kami sa pagbibigay ng impormasyon, panggagamot at lahat ng kinakailangang suporta sa mga dayuhang mamamayan. Gayunpaman, mahalaga na ang bawat isa sa atin ay dapat gampanan ang tungkulin sa paglaban sa pandemikong ito. Samakatuwid, nais kong sundin ninyo ang 3 na mga kahilingang na sinabi ko ngayon.

Maraming salamat po.